«президент фармони» тегли мақолалар
Президент Рамазон ҳайити арафасида 100 нафар маҳкумни афв этди
Чоршанба куни президент қилмишига чин кўнгилдан пушаймон бўлган ва тузалиш йўлига қатъий ўтган 100 нафар фуқарони афв этишга оид фармонни қабул қилди. Улар орасида чет эл фуқаролари, 60 ёшдан ошган эркаклар, аёллар ҳамда тақиқланган ташкилотлар фаолиятида қатнашган шахслар бор.
Иккинчи жаҳон уруши қатнашчиларининг пенсияси 2,5 млн сўм этиб белгиланди
Президент Иккинчи жаҳон уруши қатнашчиларига 2,5 млн сўм пенсия тайинлашга оид фармонни имзолади. Ушбу тартиб 10 майдан бошлаб амал қилади. Ҳозирга қадар уруш фахрийларининг пенсияси 800 минг сўмни ташкил этган эди.
2021 йилда қўшимча ишланмайдиган кунлар тасдиқланди
Президент Шавкат Мирзиёев 2021 йилда қўшимча ишланмайдиган кунларни тасдиқлади. Байрамлар вақтида энг камида уч кун дам олинади.
Республика тиббиёт муассасалари раҳбарлари оғир шароитли туманларга бориб ишлайди
Президент фармонига асосан республика тиббиёт муассасалари раҳбар ва мутахассислари оғир шароитли туманларнинг тиббиёт бирлашмаларида шартнома асосида ишлайди. Уларнинг асосий иш жойидаги ойлиги сақланиб қолади ҳамда туман тиббиёт бирлашмасидаги лавозимидан ҳам маош олади. Бундан ташқари, оилавий поликлиникаларга 2021−2022 йилларда 10 мингтадан ўрта тиббиёт ходимлари штатлари ажратилади.
Uzbekistan Airways ва яна 14 компания IPO ўтказиладиган компаниялар рўйхатига киритилди
Uzbekistan Airways, «Ўзметкомбинат», «Ўзбекнефтегаз», «Ўзмиллийбанк» ва «Ўзтрансгаз» каби бошқа компаниялар 2021−2023 йилларда акциялари фонд биржасида оммавий савдо учун жойлаштириладиган компаниялар рўйхатига киритилди.
Мактаб ва олийгоҳларда «Молиявий саводхонлик» фани ўқитилади
Президент фармонига асосан умумтаълим мактаблари ўқувчилари ҳамда ОТМ талабалари учун «Молиявий саводхонлик» ўқув курсини фан сифатида жорий этиш кўзда тутилмоқда.
Таянч пунктлари ўрнига маҳалла ҳуқуқ-тартибот масканлари ташкил этилади
Ички ишлар органларининг таянч пунктлари асосида маҳалла ҳуқуқни муҳофаза қилиш пунктлари ташкил этилмоқда. 1 июнга қадар Тошкент ва Самарқанд вилоятларида профилактика инспекторларига масофадан туриб мурожаат қилиш мумкин бўлган «Smart маҳалла» тизими жорий этилади. Ички ишлар вазирлиги таркибида бешта янги бўлим шакллантирилди.
Тиббий-ижтимоий хизматларни ривожлантириш агентлиги ташкил этилди
Президент фармони билан ССВ ҳузурида Тиббий-ижтимоий хизматларни ривожлантириш агентлиги ташкил этилди. «Саховат» ва «Мурувват» интернат уйлари, Ногиронлиги бўлган шахсларни реабилитация қилиш марказлари ва пансионатлар агентлик тизимига ўтказилади. Муассасалар реконструкциясига 428 млрд сўм ажратилади.
Ўзбекистонликларга уй олиш ва қуриш учун 20 йилга кам фоизли кредитлар ҳамда субсидиялар берилади — президент фармони
Шавкат Мирзиёев 3 март куни ўтказган видеоселекторда «2021 йилда 54 минг оилани уй-жой билан таъминлашимиз зарур», дея таъкидлаган эди. Йиғилишда белгилаб берилган вазифаларнинг ҳуқуқий асоси сифатида президентнинг тегишли фармони қабул қилинди. Унга мувофиқ, Ўзбекистон аҳолисига уй олиш ва ўз мустақил қуриши учун 20 йиллик кам фоизли ипотека кредитлари ҳамда уларга субсидиялар ажратилади. Батафсил.
Мамлакат бўйлаб саёҳат учун туристик йиғим ва чегирмалар миқдори тасдиқланди
Ҳукумат қарори билан Ўзбекистон фуқароларидан ундириладиган туристик йиғим миқдори тасдиқланди. У БҲМнинг 0,4 фоизи ёки кунига 980 сўмни ташкил этади. Бундан ташқари, маҳаллий сайёҳлар учун янги жорий қилинган авиақатновлар ҳамда темирйўл чипталарига чегирмалар қўлланилади.
Эндиликда президент топшириқларининг ижроси Ijro.gov.uz тизими орқали назорат қилинади
Президент фармони билан ҳужжатлар ва топшириқлар ижросини назорат қилишнинг янги тизими жорий этилмоқда.Адлия вазирлиги топшириқлар ва уларнинг муддатлари, ижрочи масъулларни киритиб боради. Ҳар ойда президент Администрацияси ҳамда Ҳукуматга ҳисобот тақдим этади. Ижрони ўз вақтида таъминламаган мансабдорлар жазоланади.
Байрамлар арафасида ишланмайдиган кунлар камида 3 кун бўлади
Наврўз, Мустақиллик куни, Янги йил, Рамазон ҳайити ва Қурбон ҳайити диний байрамларини нишонлаш даврида қўшимча ва кўчириш ҳисобига ишланмайдиган кунлар камида 3 кун этиб белгиланади.
2021 йилдан мол-мулк солиғи кадастр қиймати асосида ҳисобланади
2021 йил январдан мол-мулк ва ер солиқларини кадастр қиймати асосида ҳисоблаш тизими босқичма-босқич жорий этилади. Биринчи босқичда мазкур тизим квартира, якка тартибдаги уй-жой ва дала-ҳовлилар учун қўлланилади.
Икки қаватдан юқори иншоотларни қуришда лойиҳа ҳужжатлари мажбурий экспертизадан ўтказилади
2021 йил 1 мартдан икки қаватдан юқори ҳамда баландлиги 12 метрдан ошиқ бино ва иншоотларни лойиҳа ҳужжатлари экспертизасини ўтказмасдан қуриш ва реконструкция қилиш тақиқланади.
Қишлоқ врачлик пункти — оилавий шифокор пункти этиб ўзгартирилади
Президент фармони билан 2021 йил 1 январдан бошлаб қишлоқ врачлик пункти — оилавий шифокор пункти деб, қишлоқ ва шаҳар оилавий поликлиникаси — оилавий поликлиника деб қайта номланади. ОТМни охирги 3 йилда тамомлаб, қишлоқ жойга ишлашга борганларга 30 млн сўм пул мукофоти берилади. Улар уй-жой билан ҳам таъминланади.
Ўқувчиларга қизиқишига қараб фанларни танлаб ўқиш имкони берилади
Янги миллий ўқув дастурига кўра, эндиликда назария ва амалиёт тенг тақсимланади. Фанлар сони ва ўқув юкламалари ўқувчилар қизиқишига қараб белгиланиб, спиральсимон тарзда ўқитилади.
Мактаблар тажриба тариқасида хусусий бошқарувга ўтишни бошлайди
Тажриба сифатида мактаблар хусусий бошқарувга ўтказилади. Уларда таълим бепул қолиши ва мактаб бошқарувчиси ўқув муассасасини таъмирлаш ишларини амалга ошириши керак бўлади. Давлат бюджетидан таълим муассасаларини таъминлаш учун ажратиладиган маблағлар камайтирилмайди.
Ўзбекистонликларга юргани учун пул тўланади
Фуқароларга бир кун давомида 10 минг ва ундан ортиқ қадам юрганлари учун 3 минг сўм, бир ой давомида босиб ўтилган энг кўп қадамлар учун эса 1 млн сўм тўланиши белгиланди. Бунинг учун ҳар бир туман маркази ва шаҳарларда пиёда ва велосипедда юриш учун «Саломатлик йўлаклари» ташкил этилади.
Давлат органлари раҳбарлари спорт билан шуғулланишади
2021 йилдан бошлаб давлат органлари раҳбарлари ва барча ходимлари иш вақтидан сўнг ҳафтада камида бир марта жисмоний тарбия билан шуғулланишади. Раҳбарлар шахсий наъмуналари орқали семизлик даражасини камайтириш, вазн кўрсаткичларини яхшилаш, саломатликни мустаҳкамлаш учун қаратилган чора-тадбирларни амалга оширади. Давлат органлари жамоа шартномаларида ишлаб чиқариш гимнастикаси машқлари жорий қилинади.
2021 йилда 2 та, 2025 йилда 10 та венчур жамғармалари ташкил қилинади
Ўзбекистонда етакчи инвестиция компаниялари билан ҳамкорликда 2021 йилда 2 та, 2025 йилда 10 та венчур жамғармалари ташкил қилинади. Илмий ташкилотлар раҳбарлари лавозимига устувор равишда илм-фан тизимини бошқариш кўникмасига ва иқтисодий билимга эга бўлган ёш мутахассислар тайинланади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг